MAYNILA — Magbibigay ng P2 million pabuya ang pamahalaan sa makapagtuturo o makakahuli sa mga suspek sa pamamaril at pagpatay sa 3 biktima sa San Rafael, Bulacan.

3 killed in San Rafael, Bulacan ambush

Ito ang kinumpirma ng hepe ng PNP sa Region 3 na si Brig. Gen Jean Fajardo nitong Lunes, March 24.

"Meron pong P2 million na ni-raise po for the reward kung sino man ang makakapagbigay ng information sa mga pagkakakilanlan ng mga suspects na ito na involve po sa kaso na ito that would lead to their immediate arrest," aniya.

Biyernes nang pinaulanan ng putok ng baril ang SUV sakay ang 3 biktima.

Dead-on-the spot ang nagmamaneho at ang pasahero sa harapan habang naisugod pa sa ospital ang kasama nilang babae sa backseat, pero kalaunan ay binawian din ng buhay.

Isa sa mga biktima ng pananambang sa San Rafael, Bulacan, nakaburol na

Ayon kay Fajardo, may mga leads na sila sa mga posibleng suspek. 

"Dati pong consultant 'di umano sa mga kilalang political figures sa Bulacan, so titingnan po natin kung 'yung kanyang dating naging trabaho ay may kinalaman po sa kasong ito," aniya. 

Bumuo na ng special investigation team ang PNP para sa mas malalim na imbestigasyon sa kaso.Bulacan, ambush, San Rafael, reward