Arestado ang isa sa dalawang suspek sa pagpatay sa isang BPO employee sa Sampaloc, Maynila nitong Martes ng gabi.

Nagkasa ng follow-up operation ang Manila Criminal Investigation and Detection Group at Manila Police District Station 4 at nahuli ang suspek na isang 25 anyos na residente ng Tondo.

Ayon sa pulis, inamin ng suspek ang kanyang ginawa at ininguso pa ang isang kasamahan na pinaghahanap na ng pulis.

Pilit inagaw ng dalawang lalaki ang motorsiklo ng biktima sa may Dapitan corner Algeciras Street, Maynila nitong Sabado. Nang tumanggi ang biktima, binaril siya ng suspek at tinangay ang motorsiklo.

Narekober mula sa nahuling suspek ang motorsiklo ng biktima. Nahaharap sa kasong murder at carnapping ang suspek.

May manhunt operation pa rin para sa isang pang suspek.-Ulat ni Lyza Aquino, ABS-CBN News