Bukod sa mga hagdan, tampok din sa pasilidad ang mga escalator at elevator para sa persons with disabilities, senior citizens, at buntis. Malawak rin ang walkway na binubungan at may mga salaming dingding para maging proteksyon sa init ng araw o buhos ng ulan.

Positibo ang reaksyon ng mga commuter dito.  

Ayon kay Jeffrey Lim, presidente ng SM Prime Holdings, Inc. na katuwang ng Department of Transportation o DOTr sa proyekto, layunin nilang gumawa ng mga espasyong makabuluhan para sa publiko. Sa mismong araw ng pagpapasinaya ng concourse, nakasama pa ang ilang commuter sa ribbon-cutting.

Dagdag naman ni DOTr secretary Vince Dizon, gagawing modelo ang bagong concourse sa planong pagtatayo ng bridgeways para sa buong EDSA Carousel. 

—Ulat ni Andrea Taguines, Patrol ng Pilipino

Video edited by Andrea Taguines; post-production by Gercy Babilonia & Jean Villaflores

SM North EDSA busway station, concourse now open to the public

Transport chief says busway to stay amid major EDSA overhaul

ALAMIN: Iba-ibang naging pangalan ng EDSA