TOKYO, Japan - Lalahok ang Pilipinas sa ika-19 Lifestyle Week Tokyo na gaganapin sa July 3-5 sa Tokyo Big Sight. 

Ayon na rin sa official website ng nasabing trade fair ang Lifestyle Week Tokyo ang world’s leading fair pagdating sa usapang lifestyle tulad ng gifts, homeware, fashion items, baby products kabilang din maging iba-ibang pagkain. 

Ayon sa DTI Tokyo, ibibida nila sa trade fair ang mga produktong galing Bicol. 

“To be able to showcase the products and find buyers who will market the products in Japan. The featured products will be handicrafts mostly made from Abaca, from 15 participating SMEs from Bicol,” pahayag ng DTI Tokyo sa panayam ng TFC News.

Philippine Expo 2024 sa Japan

Layon ng Pilipinas na maipromote ang mga produkto ng mga kababayan at makahanap ng Japanese institutional buyers/importers para mas lalo pang makilala ang mga produkto ng Bicol na gawa ng mga participating SMEs.

Bukod pa sa Japanese suppliers, lalahok din sa trade fair ang iba pang kinatawan mula sa iba-ibang bansa kabilang ang Pilipinas, Thailand, China at iba pang bansa sa Asya at ilang bansa sa Europa tulad ng Netherlands at Germany.

Lumahok din ang Pilipinas sa nagdaang Philippine Expo 2024  na idinaos naman sa Ueno Park, Tokyo noong June 7-9 kung saan ibinahagi ng DTI Tokyo ang ilang produkto mula Bicol. Ang nasabing expo ay isa sa pinakamalaking Philippine festivals sa Japan.

“We showcased a few items from Bicol (bags and handicrafts made from abaca), as well as some pottery and handicrafts made by Filipino artisans, and also coconut water from fresh Philippine young coconuts. 

We got a lot of inquiries especially on the handicrafts from Bicol, and the coconut water, not only from Filipinos but also from the Japanese,” dagdag pa ng DTI Tokyo.

Inaanyayahan ang mga kababayan sa Tokyo na lumahok sa 19th Lifestyle Week Tokyo at maaaring bisitahin ang DTI Region V booth sa Tokyo Big Sight East Hall, Booth No. L27-24.