“Humihingi ng tulong ang Santo Papa sa kanyang gawain bilang pontifex maximus,” aniya.

Si David ang ika-10 kardinal ng bansa. Kasabay ng lingguhang Angelus ni Pope Francis inanunsyo ang mga bagong kardinal kasama si David noong Oktubre 6.

Tubong Betis, Guagua, Pampanga, unang nagsilbing pari sa Archdiocese of San Fernando sa Pampanga noong 1983 hanggang sa maging auxiliary bishop nito bago maitalagang obispo ng Kalookan taong 2016 si David.

Siya rin ang kasalukuyang presidente ng Catholic Bishops’ Conference of the Philippines o CBCP.

Naging matunog ang pangalan ni David sa pagiging kritikal nito sa administrasyong Duterte patungkol sa usapin ng ‘war on drugs’.

Taong 2019 nang akusahan si David at 3 pang obispo ng sedition o planong pagpapatalsik kay Pangulong Duterte. Na-dismiss ito noong Pebrero 10, 2020.

Bishops accused of sedition submit counter-affidavits

Leni, bishops cleared of sedition charges over alleged plot to oust Duterte

Sa darating na Disyembre inaasahan ang konsistoryo ni Cardinal-designate David bilang isang ganap na kardinal.

– Ulat ni Vivienne Gulla, Patrol ng Pilipino

Video produced with Haztin Harold Jardin

Cardinal-designate Pablo David: 'Responsibility, not honor'

'Like being caught in a whirlwind': How Bishop David found out Pope chose him as new cardinal