Temang underwater ang naisipang tema ng bride at Bayan Patroller na si Precious Villacorta-Dayahan para sa kanilang prenuptial photoshoot ng asawang si Mark Anthony Dayahan.

Kwento ni Precious ay sakto ang temang ito dahil beach lovers sila ng asawa.

'Yun nga lang ay hindi sila marunong mag-freediving, kaya naman talangang inaral pa nila ito para gawing special ang kanilang prenup photoshoot.

Kumuha sila ng short course para matuto ng free diving at sa mismong shoot ay may mga kasama silang guide na tumutulong sa kanila.

Naging pagsubok sa kanilang dalawa ang paghinga sa ilalim ng dagat kaya naman madalas ay umaahon sila kaagad.

Watch more News on iWantTFC

Magkagayuman, unti-unti nilang nakuha ang tamang paghinga kaya natapos ng masaya at maayos ang photoshoot.

"Super saya po ng experience, nung una hirapan ako bago makapunta sa ilalim pero eventually nakuha ko yung tamang way at nakapagshoot kami ng maayos...Sobrang patient lang talaga nung mga coaches namin kaya naging successful yung shoot," saad ni Bayan Patroller Precious.

Payo ni Precious para sa mga couples na nais din subukan ang underwater photoshoot pero hindi marunong mag freediving ay magtiwala lamang sa sarili at makinig sa bilin ng mga coach.

Ikinasal sila Precious at asawang si Mark Anthony noong Enero 3, 2024 sa Lucena City, Quezon. - BMPM