Ibinahagi ni Jean Young ang mga retrato ng pamamasyal sa Hindang Cave sa bayan ng Hindang, Leyte.

Ibinahagi ni Jean Young ang mga retrato ng pamamasyal sa Hindang Cave sa bayan ng Hindang, Leyte.

Kung naghahanap ng lugar para sa family bonding, puwedeng puntahan ang isang nakabibighaning kuweba sa bayan ng Hindang, Leyte.

Bukod sa magagandang tanawin, maaari ring magpa-picture ang mga bumibisita sa Hindang Cave sa mga matsing na matatagpuan doon, ayon kay Jean Young na pumunta sa kuweba kamakailan.

Pero ayon kay Young, pinaalalahanan sila ng katiwala sa kuweba na bawal ang pagbibigay ng pagkain at tingnan sa mata ang mga matsing dahil posibleng mangagat ang mga ito.

Ayon kay Young, sulit ang pamamasyal nila ng kaniyang pamilya sa kuweba.

Mula Tacloban City, maaaring sumakay ng van o bus papuntang bayan ng Hindang sa loob nang 2 oras. Galing sa national highway, puwedeng maglakad o sumakay ng tricycle papunta sa kuweba.

— Ulat ni Ranulfo Docdocan

RELATED VIDEO

Watch more News on iWantTFC