Maganda ang sikat ng araw ngayong Lunes FUNanghalian. Kung may mga summer outing na hanggang ngayon ay ‘di pa rin nakukulayan, maki-barkada bonding na lang kasama ang ‘Showtime’ family sa isang masayang hulaan sa KIDSONA (Songs of the Nation Address). 

Ang magkakapres ngayong Lunes: Karylle-Cianne Dominguez, Vhong Navarro-Teddy Corpuz (na may surprise ‘sexy dance’), Ryan Bang-Wize Estabillo, Kim Chiu-AC Soriano, Jugs Jugueta-Showtime Sexy Babe winner Zeah Pala, at ang mag-‘tito’ na sina Ogie Alcasid at Ion Perez. 

Sina Kim at AC ang unang naka-gets sa kantang binigkas nang patalumpati. Si Zeah, sure na sure nang pumindot, pero sablay pala ang sagot! Teka, ‘yung Tagalog na kanta, bakit naging Kapampangan at Bisaya, Ion at Kimmy? Sa dulo, sina Kim at AC ang nanaig na duo! 

‘Yun lang, medyo nahirapan sila jackpot round. Panoorin ang masayang hulaan kasama ang Showtime hosts at Showtime kids Argus, Kelsey, Jaze, Imogen, Ayesha, at Enicka. 

Mapapakanta ka ng “all I wanna do is grow old with you” dahil sa “Step In The Name of Love,” isang matchmate at tatlong hakbangers ang magpapatunay na it’s never too late to fall in love again.

Si Nanay Myra, palaban pa rin an kagandahan, very bagets ang awrahan. Sabi nila, nakakabata ang pagsasayaw. Patunay n’yan si Myra, na isang zumba dance instructress. Kasama ang best friend na si Yolly, muli siyang susugal at maghahanap ng makaka-date. Pero, bago ‘yan, isang mabilisang briefing muna with Vice Ganda, na pabirong uminit ang ulo dahil sa cameraman na ‘nanggugulo.’ 

Kuwento ni Myra, nagkaroon siya ng boyfriend ilang taon matapos maging biyuda. Ngunit pumanaw na rin ang nasabing kasintahan. Nagkabiruan tuloy sa studio. Ang tanong–sino raw ang susunod sa  mga lalaking minahal ni Myra? 

Hindi naman umatras ang mga hakbangers! Nakilala natin sina Tatay Jun (driver na may dalawang anak, ‘sumakabilang-bahay’ ang asawa nang siya ay maging OFW sa Korea); Bonjon (former tour guide sa Japan with 3 kids and 15 grandkids); at Junard (operations manager na friends pa rin with his ex for the sake of their children). 

Sa unang round of flexing, ibinida ni bestie Yolly ang pagiging malambing ng kaibigan. Maaalalahanin at laging nangungumusta si Nanay Myra. Pero dahil may pagka-clingy, lagot si guy ‘pag hindi agad-agad nakapag-reply. Mag-o-overthink si Myra, lalapit kay Yolly upang humingi ng payo, pero matigas ang ulo kaya parang paulit-ulit ang scenario. 

Napababa tuloy si Jun. Paano nga naman siya makaka-update kung nasa biyahe? And based on experience, ekis na kay Bonjon ang babaeng madalas mag-overthink. Para naman kay Junard, walang nega sa mga narinig niya, kaya siya lang only man na umakyat ng hagdan 

Natuwa si Meme Vice dahil serious ang mga guest ‘seniors’ sa dating game na ito. Nag-iisip sila nang mabuti, katulad ni Tatay Jun, na super cliffhanger ang paghakbang. Napaisip kasi siya kung aakyat o bababa matapos malamang hindi magaling magluto si Nanay Myra. 

Aliw din ang mga eksena sa round 3 kung saan kinilatis ng hakbangers ang larawan ng matchmate. May napa-step down, at meron din namang consistent sa pag-akyat. Sa huli, kanino kaya mafe-feel ni Nanay Myra ang spark?

Kakaibang ‘kilig’ naman ang naramdaman ng dalawang contenders na nakatuntong sa entablado ng “Tawag Ng Tanghalan” Year 9. 

Sa araw na ito ay hindi muna kasama ni Cherry Mae Gozun ng Pampanga ang kan’yang banda. Solo muna si Cherry, rocking the TNT stage with “Proud Mary.” Napansin ni hurado Mark Bautista ang magandang buga ng boses nito, pero aniya, mukhang hindi ito komportableng gumalaw sa entablado. 

Si Jonnybell Abion ng Quezon City ay isang Marine Engineering student. Pangarap niya ang maging seaman tulad ng kan’yang kapatid, pero hindi niya tinatalikuran ang pag-awit. Hinarana niya ang ladies sa kantang “There’s No Easy Way.” Tip ni hurdo Ogie, pag-aralan pa ni Jonnybell ang pag-sustain ng nota, at ang pinakamahalaga, huwag kalimutan ang lyrics ng kanta. Agree si Punong Hurado Louie Ocampo, na sinabing nagmamadali si Jonybell sa tempo, na baka dala ng adrenaline at kaba. 

Matapos ang salpukan sa tanghalan, si Cherry Mae ang hinirang na daily winner, with 92% total score. Siya ang lalaban sa defending champion na si Almaerra Recentes, bukas, Martes.

Watch your favorite TV programs on Kapamilya Channel on SKY, Cablelink, G Sat, and most cable operators under PCTA nationwide.

On-demand viewing of programs' full episodes is available on iWantTFC. Just download the app on Google Play or App Store, or visit iWantTFC.com.

Viewers can also continue to follow the show on Kapamilya Online Live on ABS-CBN Entertainment's YouTube channel and Facebook page.

The shows are also seen on A2Z Channel 11, available on analog broadcast in Metro Manila and parts of Cavite, Laguna, Quezon, Rizal, Bataan, Batangas, Bulacan, and Pampanga. It is also available on cable and satellite TV providers nationwide.