Ang unjust vexation ay ang uri ng pag-uugali ng tao na bagamat hindi nagdulot ng pisikal na pinsala ay naging sanhi naman ng pagkayamot, pagkaasar, at iritasyon sa isang inosenteng tao.

Sa madaling salita, maaaring makasuhan ang isang tao ng unjust vexation kung siya ay magiging sanhi ng emotional distress sa iba.

• Taxi driver, arestado matapos tumangging gumamit ng metro, makipaghabulan sa pulis

Sa panayam sa Teleradyo, ibinahagi ni Atty. Christoper Antona, legal expert, ang sakop ng kasong ito at ang ilan sa mga konkretong halimbawa ng unjust vexation.

Ayon sa Article 287 ng Revised Penal Code, pagkakabilanggo ng isa hanggang 30 araw o multa mula P500 hanggang P5,000 ang parusa sa krimen.—Lingkod Kapamilya, TeleRadyo, Hunyo 16, 2023