Pasado alas-tres kaninang madaling araw nang masunog ang kusina ng isang restaurant sa Tomas Morato, Barangay South Triangle sa Quezon City.

Kwento ni Jaylord Olandria, security guard na nagbabantay sa restaurant,
nakabantay siya sa gilid ng kainan nang biglang may lumapit sa kaniya para sabihin may usok na nanggagaling sa kusina.

Pagpasok niya ay dun niya nakitang nasusunog ang kisame ng kusina.

Agad naman rumesponde ang mga tauhan ng Bureau of Fire Protection kaya naapula rin ang sunog at hindi na umabot sa unang alarma.

Batay sa inisyal na imbestigasyon ng BFP, nagmula ang apoy sa exhaust vent ng kusina.

Wala naman nasugatan sa insidente habang hinihintay pa sa ngayon ang opisyal na pahayag ng management ng restaurant.