Naging matunog sa mundo ng showbiz ang pangalang Rey dela Cruz.

Siya lang naman kasi ang talent manager ng tinaguriang 'soft drink beauties' noong dekada '80 na sina Sarsi Emmanuel, Pepsi Paloma at Coca Nicolas.

Si Rey rin ang nagbigay-popularidad kay Rio Locsin bilang "dyosa ng kaseksihan."

Pero bukod sa kaniyang propesyon sa mundo ng showbiz, isa siyang optometrist at minsang naging barangay chairman sa Quiapo.

Kaya naman ang malagim na pagpatay sa kaniya noong 1992, ikinabit sa naging trabaho niya sa barangay.

Nais umanong buwagin ni Rey ang isang drug syndicate sa kanilang lugar.

"Medyo touchy kasi ang 'yung subject na 'yan. Binaril siya dahil parang merong tungkol sa drugs. Parang meron yata siyang dahil barangay captain siya, meron siyang gustong linisin," pahayag ni Rio Locsin sa ABS-CBN News.

Bukod pa rito, iba't ibang kuwento pa ang ikinabit sa pagpanaw ng kontrobesyal na talent scout ng showbiz industry.

Panoorin ang naging pagsasaliksik ng ABS-CBN News sa buhay ni Rey dela Cruz maging ang tunay na dahilan ng kaniyang pagpanaw sa programang 'S.I.M.' na unang ipinalabas sa ABS-CBN Channel 2 noong Abril 28, 2001.

RELATED LINK:

• 'CA Throwback': Ang biglaang pagpanaw ng aktres na si Julie Vega