Pasabog na aksyon serye ang pagbibidahan sa unang pagkakataon ni Richard Gutierrez bilang Kapamilya sa bagong programa ng ABS-CBN Entertainment na "The Iron Heart" na magsisimula sa darating na Lunes (Nobyembre 14).

Makikilala rito si Apollo (Richard), isang taong may pambihirang lakas na pipiliing ibuhos ang kanyang panahon para sa misyong pabagsakin ang isang malaking sindikato. Alamin ang mga sikretong kanyang malalaman tungkol sa sarili pati na rin ang iba pa niyang koneksyon sa kanyang misyon.

Bukod naman sa intense action at all-star cast, isa rin sa dapat abangan sa serye ang pagbibida nito sa kagandahan ng Cebu kung saan gagawin ang buong serye.

Mapapanood din sa seryeng hatid ng Star Creatives ng ABS-CBN sina Maja Salvador, Sue Ramirez, Jake Cuenca, Albert Martinez, Dimples Romana, Pepe Herrera, Baron Geisler, Sofia Andres, Kyle Echarri, Diether Ocampo, Enzo Pineda, Althea Ruedas, Meryll Soriano at marami pang iba.

Huwag palampasin ang premiere ng palabas simula Nobyembre 14 (Lunes), 8:45PM sa A2Z, Kapamilya Channel,& TV5, Kapamilya Online Live on Facebook and YouTube, Jeepney TV, and TFC IPTV.