TV PATROL: Estudyante patay sa rambol sa Bontoc, Mountain Province

Patay ang isang estudyante sa Bontoc, Mountain Province, matapos mauwi sa suntukan ang alitan ng nasa 10 kabataan. Sa kuha ng CCTV, nagtulakan hanggang sa nagsuntukan ang grupo ng mga kabataan sa labas ng isang restobar madaling araw noong April 6. Ayon sa pulisya, nagsimula  ang gulo matapos lapitan ng isa sa mga suspek ang nag-iinumang grupo ng biktima at hingan sila ng 10 piso. Pero nang hindi binigyan, nagalit umano ang kabilang grupo at nauwi ito sa rambol. Kabilang sa sangkot sa gulo ang 21 anyos na estudyante. Naisugod pa siya sa ospital, pero binawian ng buhay noong April 8 dahil sa traumatic brain injuries. Tukoy na ng pulisya ang mga sangkot na kabataan sa insidente. Nananawagan naman ng hustisya ang mga kaanak ng biktima. TV Patrol, Biyernes, 11 Abril 2025