Ginising ng malakas na paggalaw ng lupa ngayong madaling araw ng Sabado, Marso 8, ang bayan ng Wao sa Lanao del Sur sa Mindanao.

Nakunan pa ng residente na si Quine Love Pangtulog Tantua ang pinsala ng pagyanig sa kanilang lugar sa Purok 2 Barangay Eastern sa naturang bayan. 

Sa kanyang video, makikita na nagkalat ang ilang mga natibag na bahagi ng isang bahay dahil sa lakas ng pagyanig. Pati ang ilang mga gamit sa kusina, nagbagsakan din. 

Nasira din ang kisame ng isang bahay.

Ayon sa tala ng Philvolcs, umabot sa Magnitude 5.1 ang lindol na may lalim na 10 kilometers.

Naitala ang mga Instrumental Intensities sa mga sumusunod:

• Intensity IV - Kalilangan, BUKIDNON 

• Intensity II - San Fernando, BUKIDNON 

• Intensity I - Malitbog and Libona, BUKIDNON; Kidapawan City, Magpet, and M'lang, COTABATO 

Sa lakas ng paggalaw ng lupa posibleng may mga naitalang damage at may mga aftershocks pa na inaasahan ayon sa PHIVOLCS.

Nitong nagdaang gabi lang ng yanigin din ng magnitude 4.9 na lindol ang nasabing bayan at sinundan pa ng anim pang aftershocks.