MANILA — Timbog ang isang 45-anyos na babae matapos mahulihan ng nasa higit P200,000 halaga ng hinihinalang shabu sa buy-bust operation na ikinasa ng mga operatiba ng Taguig City Police noong Miyerkules ng gabi, May 14.

Nangyari ang pag-aresto sa kaahabaan ng M.L. Quezon Street sa Barangay Bagumbayan sa Taguig.

Kwento ni Police Capt. Jowel Golimlim, assistant chief ng Public Information Office ng Taguig City Police, naglunsad sila ng operation nang may confidential informant na nag-report ng pagbebenta ng droga sa lugar.

Iniimbestigahan pa ng pulisya kung dati nang may naging kaso ang suspek.

High-value drug suspect arestado sa Taguig City

 “Ang ating suspek po ay umamin sa nakumpiska dahil ang ating suspek po ay pamilyado po at yung ginagamit din po na kanyang kinikita ay malaking tulong din sa pang araw-araw ng kanilang pamilya,” ayon kay Golimlim.

Kasalukuyang naka-ditene sa custodial facility unit ng Taguig City Police Station ang suspek.

Muli namang nagbigay ng paalala ang pulisya na mahigpit na ipinagbabawal ng batas.

Tricycle driver sa Taguig arestado matapos magbenta ng hinihinalang shabu

“Kung sa ating lugar ay may kakilala tayo o may nalalaman tayo tungkol sa mga ganitong ilegal na gawain ay agad nating ireport sa ating pinakamalapit na kapulisan upang mahuli po natin at maiwasan po ang paglaganap po ng iligal na droga sa ating komunidad,” dagdag ni Golimlim.