MAYNILA — Matagal nang tradisyon ang taunang Oblation Run ng Alpha Phi Omega (APO) Fraternity sa University of the Philippines Diliman.

Pero higit sa paghahatak ng interes sa mga estudyante at tagalabas ng UP dahil sa mga lalaking tumatakbo nang hubo’t hubad, giniit ng grupo na wala silang hangad na kabastusan dito.

Naging paraan ito ng protesta ng APO at pagbibigay-kamalayan sa mga panlipunang isyu mula nang unang isagawa ang Oblation Run noong 1977.

Ngayong 2025, ipinaglaban ng frat ang pagsulong ng malinis at tapat na halalan, sa temang ‘Boto Mo, Hindi Benta Mo’.

Inaasahan ng APO na sa paraan ng Oblation Run, makikisama ang taumbayan sa pag-alam at pag-aksyon sa mga importanteng isyu ng bansa.

– Ulat ni Kaxandra Salonga, Patrol ng Pilipino

Video produced by Mary Jennycis Tinio & Tania Garcia 

APO holds annual Oblation Run, calls for integrity in electoral process

Oblation run condemns charter change efforts

Oblation Run returns after two-year hiatus

Patrol ng Pilipino: Ano ba ang sinisimbolo ng ‘Sablay’ sa UP?