Watch more in iWantv or TFC.tv

MAYNILA - Kabilang ang public ridicule at verbal abuse laban sa kababaihan at mga bata sa maaaring parusahan kung mapatutunayang nagdulot ito ng psychological violence, ayon sa isang abogado.

Kamakailan, naglabas ng desisyon ang Korte Suprema na maituturing na psychological violence laban sa kababaihan ang pagkakaroon ng kabit ng mister sa ilalim ng Republic Act 9262 o ang Violence Against Women and Children Act of 2004.

• Pangangaliwa, maituturing na 'psychological violence' - Korte Suprema
• Act of leaving wife for mistress could be psychological violence under VAWC, says SC

Maaaring gamitin ito bilang ground for annulment, ani Cindy Cayco, law professor sa Arellano University School of Law.

Watch more in iWantv or TFC.tv

"Pag napatunayan an ang isa sa parties dito ay talagang merong tinatawag na psychological incapacity o di niya magampanan ang obligasyon bilang isang asawa, ay pwede po itong maging ground para sa tuluyang pagfile ng annulment," aniya.

Paalala ni Cayco, hindi maaaring gamitin ng mga lalaki ang batas kung sila ay inaabuso sapagkat ito ay para sa mga kabbaihan lamang.

"Sa mga lalaki po kung pisikal silang sinasaktan pwede naman po magfile ng physical injuries," aniya.