MAYNILA — Sa kabila ng pagpanaw ng YouTuber na si Lloyd Cadena, ipinagpatuloy ng pamilya nito ang kanyang tradisyon na pagtulong tuwing Pasko.

Nitong Lunes, makikita sa YouTube account ng pumanaw na vlogger ang kanyang mga kamag-anak para sa video series nitong "12 Days of Christmas."

Watch more in iWantv or TFC.tv

Sa unang araw, namigay sila ng mga school supplies at pagkain para sa mga bata sa Sampaloc Compound sa Maynila.

Handog din nila ang negosyo para sa isang inang nawalan ng trabaho dulot ng pandemya sa ikalawang araw.

Una nang sinabi ng ina ng vlogger na si Lorita Cadena, o mas kilala sa vlogging community bilang "Mother Kween," na ipagpapatuloy niya ang mabubuting gawain na sinimulan ng kanyang anak.

• 'Mother Kween,' tuloy ang pagtulong sa ngalan ng anak na si Lloyd Cadena

Tatak na sa mga video ng pumanaw na vlogger ang pagtulong nito sa kapwa, mula sa mga kaibigan nito hanggang sa kanilang komunidad.

• Lloyd Cadena's last vlogs: free tablets for students, making his mom's dream come true

Sa edad na 26, pumanaw si Lloyd, na kinikilala bilang isa sa mga pioneers ng vlogging sa Pilipinas.

• Lloyd Cafe Cadena, popular social media personality, passes away

KAUGNAY NA ULAT:

Watch more in iWantv or TFC.tv