Nora Aunor gagawa pa sana ng pelikula kasama si Hilda Koronel

Naghahanda na sana si National Artist for Film and Broadcast Arts Nora Aunor para sa kanyang pagbabalik-pelikula kasama si Hilda Koronel. Kinumpirma ng direktor na si Adolfo Alix Jr. na plano nilang simulan ang shooting ng pelikula sa Hunyo. Si Alix ang direktor din ng 'Mananambal' na huling pelikula ni Aunor na naipalabas sa mga sinehan sa bansa.

Pero umaasa siyang maipalalabas din sa lokal na sinehan ang isa pa nilang pelikula ni ate Guy na 'Kontrabida' na nagwaging Best Asian Feature sa Hanoi International Film Festival noong 2022.