Watch more in iWantv or TFC.tv

MANILA -- Naalala niyo pa ba si Raki Vega?

Si Raki ang itinanghal na grand champion ng talent reality show ng ABS-CBN na "Born Diva" noong 2004.

Ngayon, matapos ang higit isang dekada, isa na si Raki sa lead cast ng "Mickey and The Wondrous Book" ng Disneyland sa Hong Kong.

Aniya, may pitong taon na siyang nagtatrabaho sa Disneyland. Ito ay matapos niyang subukang mag-audition sa Maynila.

"I'm a vocalist sa show here, it's called 'Mickey and The Wondrous Book.' I am the guardian of the book and I also do special events here in Hong Kong Disneyland," ani Raki na tubong Cebu.

Sa "Mickey and The Wondrous Book," inaawit ni Raki ang "Happily Ever After" na theme song para sa ika-10 anibersaryo ng theme park.

"Para sa special event, lahat ng Disney songs na naisip niyong kakantahin namin, we can do that for weddings, for birthdays," aniya.

Ayon kay Raki, masaya siya na kasama sa Hong Kong ang kanyang asawa at apat na buwang gulang na anak na babae.

Matapos ang "Born Diva," sinubukan din ni Raki na pasukin ang showbiz. Napanood siya sa "ASAP."

Si Raki rin ang umawit ng "Ikaw Ang Aking Pangarap," ang theme song ng fantaseryeng "Lobo" noong 2008 kasama si Martin Nievera.