Watch more in iWantv or TFC.tv

Palaban sa pag-arte at walang kupas ang kagandahan. Iyan ay ilan lang sa mga maaaring maglarawan kay "Abay Babes" star Cristine Reyes.

Patunay naman sa kaniyang pagiging palaban, hindi inurungan ni Reyes ang hamon ng paghahatid ng balita nang itampok siya nitong Martes bilang guest Star Patroller sa premyadong newscast na "TV Patrol."

Ipinakilala ni Reyes ang mga ulat ukol sa star-studded premiere ng "Goyo: Ang Batang Heneral," pagbibigay ng mamahaling remembrance ni Sharon Cuneta kay Vice Ganda, at ang pagpatok sa takilya ng pelikulang "The Hows Of Us."

Inanyayahan din ni Reyes sa dulo ng programa ang mga manonood na panoorin ang pagbibidahan niyang pelikulang "Abay Babes," na ipalalabas simula Setyembre 19.

Kasama ni Reyes sa "Abay Babes" sina Kylie Verzosa, Nathalie Hart, Meg Imperial, at Roxanne Barcelo.