Puno ng aksyon ang episode ng "Ang Probinsyano" nitong Martes, matapos buhayin nina Cardo (Coco Martin) at Joaquin (Arjo Atayde) ang pinasikat na fighting style ng namayapang si Fernando Poe Jr.

Hindi man natuloy ang planong pambobomba ng buong simbahan, matagumpay namang naitangay ni Joaquin si Alyana (Yassi Pressman) ilang minuto matapos ang kasal nila ni Cardo.

• 'Ang Probinsyano': Alyana, tinangay ni Joaquin matapos ikasal kay Cardo

Dinala ni Joaquin sa inabandonang gusali si Alyana at muntik na niyang pagsamantalahan nang biglang dumating si Cardo. Sinubukan nitong sagipin ang kanyang asawa, pero agad pumasok sa eksena si Joaquin na tila nasisiraan na ng bait.

Kasabay ng malakas na buhos ng ulan ang nag-uumapaw na galit ng dalawang pulis sa isa't isa. Sa gitna ng ulan, nag-mano-mano sina Cardo at Joaquin gamit lang ang kanilang mga kamao.

Isang mainit na palitan ng suntok ang naganap. Ang hindi alam ni Cardo ay may ikinukubling patalim si Joaquin, na siyang ginamit nitong panaksak. Parehong wala ng lakas, isa lang ang kailangang manaig sa kanilang dalawa.

Sa tapat ng nasabing gusali, humandusay si Cardo sa putikan-- sa eksaktong lugar kung saan tinadtad ni Joaquin ng bala ang kapatid nitong si Ador ilang taon na ang nakararaan.

Isang malakas na pagsigaw na lamang ang nagawa ni Alyana habang pinapanood ang pagtumba ng kanyang asawa.

Mula sa kani-kanilang mga TV screens, mainit na tumutok ang mga netizens sa naging bakbakan nina Cardo't Joaquin. Marami ang nag-upload ng kanilang reaction sa Twitter. Narito ang ilan:

When Joaquin tried to rape Alyana and she was able to resist it, dang girl @Yassizzle TAKAS BILIS!

Ang galing ng #FPJAPHulingHarapan! 💯👏 pic.twitter.com/GU5BETpSb5

— Astoria (@HaymeAtNadya) May 23, 2017

Kakaloka ang mga eksena, dalang dala kami #FPJAPHulingHarapan pic.twitter.com/BHUJ3VNwFx

— Ailleen Discaya (@AilleenD) May 23, 2017

My mom watching Probinsyano. U ok, mum? 😂 #FPJAPHulingHarapan pic.twitter.com/JybmH8PYuh

— flawesome ✨ (@maryanniebyy) May 23, 2017

Yassizzle cookieloverYN endrinal_deo Huhuhu Graveh mga scene #FPJAPHulingHarapan pic.twitter.com/S973zLh8uC

— Tanner SuperMata (@SuperMataTanner) May 23, 2017

Everyone at home to Joaquin#FPJAPHulingHarapan pic.twitter.com/vrn6cZq4aS

— Rancho (@friendhayzer11) May 23, 2017

Filipinos Pour Support for Probinsyano on Social Media | Read at https://t.co/wXINLvDOpI #FPJAPHulingHarapan #AngPanday @cocomartin_ph pic.twitter.com/JCsptbozwb

— Biboy J Arboleda (@BiboyJArboleda) May 23, 2017

Bagama't marami ang naaliw sa episode, ang malaking tanong ngayon ay: Mabubuhay pa kaya si Cardo?

Tutukan ang mga susunod na pangyayari sa "Ang Probinsyano" pagkatrapos ng "TV Patrol."