Ang kandidato ng Pilipinas na si John Fernandez Raspado ang nanalo bilang 2017 Mr. Gay World na naganap sa Madrid, Spain.

Ang ika-siyam na edition ng pageant para sa gay men ay ginawa mula May 5 hanggang May 10 sa Madrid at Maspalomas sa Spain. Ang pageant ay official event ng World Pride Madrid 2017.

Sinundan ni John ang 2016 winner na si Roger Gosalbez ng Spain. Si John ay 36 years old at mula sa Baguio City. Siya rin ang grand winner ng It's Showtime's 'I'm Pogay' segment in 2014.

Binalikan ni John ang mga natutunan niya nang manalo siya sa Showtime.

'Actually yung sa Showtime kasi it’s like conquering my fears sa stage, yung sobrang kabado. From being a shy person, sa dami ng pinagdaanan na trainings, nag-improve naman ako and mas confident na ngayon.'

Idineklarang First Runner-Up ang Spain, Second Runner-Up ang Belgium, Third Runner-Up ang Switzerland at Fourth Runner-Up ang South Africa.

Kasama naman sa Mr. Gay World 2017 Top 10 ang Australia, South Africa, Ecuador, Austria, Switzerland, India at Belgium.