MAYNILA -- Lubak-lubak na kalsada ang nararanasan ng mga motorista sa bahagi ng Commonwealth Avenue bahagi ng Mindanao Avenue Extension hanggang Regalado.

Binakbak ng Department of Public Works and Highways (DPWH) ang kalsada nitong nakaraang buwan, ngunit sa ngayon ay nakatiwangwang na ito.

Dahil biglang hindi papantay ang kalsada, biglaang huminto ang mga sasakyan at nagugulat sa lubak ang mga motorista.

Matatandaang kamakailan lang ay ibinalita ng ABS-CBN News ang isang aksidente kung saan isang motor ang sumemplang dahil sa lubak sa Commonwealth.

• Rider sugatan matapos sumemplang dahil sa lubak sa Commonwealth

“Itong part na ‘to kasi medyo uneven yung road tapos maraming potholes, maraming naaksidente talaga sa area na ito,” sabi ni Aldric Collado, isang medic ng Barangay Matandang Balara sa Quezon City.

Sinusubukan pang kuhanan ng pahayag ng news team ang DPWH.