40,000 pumila sa 'pahalik' sa Poong Nazareno

Karen de Guzman, ABS-CBN News

Dinagsa ng mga deboto ang ikalawang araw ng ‘pahalik’ sa Poong Nazareno, kalakip ng kani-kanilang panata, sa Quirino Grandstand nitong Lunes ng madaling araw. Bumiyahe galing San Pedro, Laguna ang grupo nina Raffy Austero, habang suot ang mga inimprenta nilang hiphop clothing na may imahe ng Nazareno. “Lagi na po namin ito na panata, mga ilang taon na rin po. Inaano po namin ‘yung ibang hiphop, mga gang member katulad namin na hinihikayat namin sila na magpunta po dito,” ayon kay Austero. Puno rin ng pasasalamat ang kasama nilang deboto na si Ronnel Custodio na dating nakulong at naituwid ang buhay dahil sa kanyang debosyon. “Sa kulungan, lumaya at nagbago dahil sa Ama Nazareno. Nagbabago naman ang tao e. Halos lahat kami panay negosyo na lang, tigil sa mga away, tigil sa gulo,” sabi ni Custodio. Hindi naman alintana ang pagod at puyat para sa ‘kababaihan’ na si Estrella Balubar, na piniling maglingkod sa simbahan upang mas mapalalim ang debosyon na ipinasa ng kanyang magulang. “Kahit maliit ako, sumisiksik ako sa loob ng simbahan, makita ko lang siya. Dahil deboto ka, talagang kelangan ibigay mo sa kanya itong araw na ‘to. Buong buhay mo talaga, kelangan maraming lakas,” ayon kay Balubar. Sa tala ng Manila Police District (MPD), umabot na sa higit 40,000 deboto ang pumila sa ‘pahalik’ sa Poong Nazareno simula nitong Linggo. Samantala, isang 12-anyos na babae ang nasugatan makaraang makatapak ng bubog habang nakapila. <blockquote class="twitter-tweet">Isang batang babae ang sugatan matapos makatapak ng bubog habang nakapila sa Quirino Grandstand para sa ‘pahalik’ sa Poong Nazareno. Agad naman itong binigyan ng paunang lunas ng MMDA Road Emergency Group. <a href="https://twitter.com/hashtag/Nazareno2024?src=hash&amp;ref_src=twsrc%5Etfw">#Nazareno2024</a> <a href="https://twitter.com/ABSCBNNews?ref_src=twsrc%5Etfw">@ABSCBNNews</a> <a href="https://t.co/QyJh7AMrws">pic.twitter.com/QyJh7AMrws</a>— Karen De Guzman (@_KarenDeGuzman) <a href="https://twitter.com/_KarenDeGuzman/status/1744085294864023735?ref_src=twsrc%5Etfw">January 7, 2024</a></blockquote><div><script async="" src="https://platform.twitter.com/widgets.js" charSet="utf-8" type="text/javascript"></script></div>“Ang reported po sa’min, nabubog po ng bote. Binigyan po namin ng first aid kaagad then nai-stop din naman po ‘yung bleeding. Then, pumirma rin po ng waiver,” sabi ni Ulyssis Castillo, Team Leader ng MMDA Road Emergency Group-Delta Group. Patuloy naman ang paalala ng pamunuan ng Quiapo Church na tumalima sa mga patakaran na kanilang inilatag upang maging matiwasay ang pagdiriwang ng #Nazareno2024.

Dinagsa ng mga deboto ang ikalawang araw ng ‘pahalik’ sa Poong Nazareno, kalakip ng kani-kanilang panata, sa Quirino Grandstand nitong Lunes ng madaling araw. 

40,000 pumila sa 'pahalik' sa Poong Nazareno | ABS-CBN

Entertainment

News

Metro.Style

Sports

More

News

40,000 pumila sa 'pahalik' sa Poong Nazareno

40,000 pumila sa 'pahalik' sa Poong Nazareno

Karen de Guzman,

ABS-CBN News

Published Jan 08, 2024 08:06 AM PHT

|

Updated Jan 08, 2024 08:18 AM PHT

Read More:

nazareno

black nazarene

traslacion

pahalik

feast of the black nazarene

tagalog news

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2025 ABS-CBN Corporation. All Rights Reserved.