MAYNILA —  Sa pagkamit ng makasaysayang double gold medal ni Carlos Yulo sa 2024 Paris Olympics, patuloy na tumataas ang nagiging interesado sa sport kabilang na ang mga kabataan.

Isang training camp para sa mga gymnast na nasa edad 9 hanggang 12 taon ang isinagawa ng Gymnastics Association of the Philippines o GAP sa Rizal Memorial Sports Complex sa Maynila bilang bahagi ng kanilang grassroots program na huhubog sa mga susunod na dekalibreng atleta. 

Kabilang sa mga nagsanay sa mga batang gymnast ang Japanese coaches na sina Akiko Akena at Munehiro Kugiyama, na naging mentor ni Yulo. 

Binibigyang-pansin din ng GAP ang paglinang sa kasanayan at kaalaman ng coaching staff sa pamamagitan ng pagsasanay nila sa bang bansa. 

Gaganapin naman sa Pilipinas ang Junior World Artistic Gymnastics Championships sa bansa ngayong darating na Hulyo. 

– Ulat ni Dyan Castillejo, Patrol ng Pilipino

Video produced with Winkie Bernaldez

Interes ng mga Pinoy sa gymnastics lumakas dahil kay Carlos Yulo

Moms of Pinay gymnasts thrilled as Olympians mentor young athletes

Carlos Yulo nag-react sa posts, memes tungkol sa kanya