Matinding gigil ang naramdaman ng RSG Philippines sa pagkapanalo ng titulo sa katatapos lang na Mobile Legends: Bang Bang Southeast Asia Cup sa Kuala Lumpur, Malaysia.

• MSC 2022: RSG Philippines exacts revenge, sweeps RRQ for title

Bukod kasi sa mga nagdududa sa kanila, matindi umano ang panunuya o pag-taunt sa kanila ng mga audience members sa Malaysia, na kung saan marami ay mga taga-suporta ng kalabang RRQ Hoshi, o kaya mga nais na sanang putulin ang dynasty ng Pilipinas sa international ML:BB scene.

Kaya naman sa oras na masira ang base ng RRQ Hoshi noong Game 4 ng Grand Finals ay agad sinugod ni Nathanael "Nathzzz" Estrologo ang kanilang trophy -- nang naka-medyas lang.

FINAL: It’s sweet revenge indeed for RSG Philippines as they sweep RRQ Hoshi for the #MSC2022 title!

They sweep Indonesia’s RRQ, 4-0 to seal back-to-back MSC titles for the Philippines. @ABSCBNNewsSport pic.twitter.com/fjOUgLZIpy

— AC Coloma (@mac_coloma) June 19, 2022

Agad niya itong binuhat gamit ang isang kamay at tuminign sa audience.

Sa panayam sa ABS-CBN News, sinabi ng 16 anyos na EXP-laner na buhat ito ng gigil sa fans ng kanilang kalaban.

"Gusto kong palayasin 'yong mga toxic fans sa audience kanina. Kasi namba-bash sila noong nag-pause kami, tapos ayun," ani Nathzzz matapos ang kanilang panalo kontra RRQ Hoshi sa grand finals na ginanap sa Kuala Lumpur noong Linggo, Hunyo 19.

Matatandaang bahagyang tumigil ang Game 1 ng grand finals matapos ang drafting phase dahil sa isang technical issue -- bagay na madalas inaakusahan ng ilang miyembro ng international community bilang "pananadya" para maalis sa momentum ang kalaban.

Hindi na bagong nagpapakita ng matinding gigil ang mga pambato ng Pilipinas noong MSC dahil sa anila'y hostile na audience doon.

• Mobile Legends: What RSG told E2MAX after dethroning Omega

Sa katunayan, ang kakampi niyang si Jonard "Demonkite" Caranto, napamura pa matapos ang laban kontra Orange Esports. Naroon din ang pag-taunt ni Grant Duane "Kelra" Pillas sa audience, na aniya'y para sa parehong dahilan.

Mabigat ba trophy?

“Sakto lang,” sayz Nathzzz, who ran to the stage and grabbed the #MSC2022 trophy immediately after winning vs. RRQ Hoshi in the Grand Finals. pic.twitter.com/umM1bz9ZGK

— AC Coloma (@mac_coloma) June 19, 2022

Dahil dito, matinding nadala sa emosyon si Nathzzz, na gumamit lang ng isang kamay para buhatin ang MSC trophy.

Ang tanong: Mabigat nga ba ito?

"Sakto lang. Nabuhat ko eh -- mas mabigat pa kaysa noong MPL - PH," ani Nathzzz.