PAMPANGA — Bukod sa mga cellphone, computer at hinahanalang iligal na droga, nakahanap din ang mga otoridad na naghahalughog sa Lucky South 99 POGO hub ng mga uniporme na pinaniniwalaaang sa militar ng Tsina.

May mga butones pa na may mga inisyal na "P.L.A." ang mga unipormeng camouflage na nahanap sa ikatlong palapag ng Building 11 ng compound. Maaring ang People's Liberation Army — ang militar ng Tsina — ang tinutukoy ng mga letrang ito.

"Sa ngayon, premature pa po na mag-conclude po tayo na ito po ay uniporme po ng Chinese dahil [sa] absence of any proof so far,"  ani Police Col. Jean Fajardo na tagapagsalita ng Philippine National Police. 

"But magko-conduct po tayo ng research para ikumpara po kung ito po ba talagang uniporme na nakumpiska natin ay...'yung mga usual na uniforms na sinusuot po ng ibang bansa."

Bukod sa mga reklamong scamming, kidnapping at human trafficking, ginagamit umano sa iba’t-iba pang krimen ang mga pasilidad sa loob ng 10-ektaryang compound tulad ng sex trafficking at torture.

BASAHIN: Hinihinalang shabu, alahas, cash nakuha sa POGO compound sa Pampanga

IMBESTIGASYON

Maaaring ginamit na props sa mga ilegal na aktibidad ang mga umano'y uniform ng PLA, ayon sa Armed Forces of the Philippines. 

Kakaunti lang ang mga umano'y unipormeng natagpuan at hindi ito awtomatikong nangangahulugang may mga espiya sa bansa, sabi ni AFP spokesperson Col. Francel Margareth Padilla.

“PAOCC (Presidential Anti-Organized Crime Commission) is already conducting its investigation, so for the part of the AFP, we will be supporting in the manner of ‘yung concern natin, which is national security,” sabi ni Padilla sa isang press briefing.  

“With the uniforms that we’ve seen, these are all parts of the evidence at hand, so we are trying to look at the veracity of the report, whether they are legit uniforms. These are very few in number to be part of their troops, so we don’t want to unnecessarily cause panic to the general public,” dagdag niya. 

Sinabi naman ni Commodore Roy Vincent Trinidad, Philippine Navy spokesperson for the West Philippine Sea, na tinitingnan ng military ang posibleng koneksyon ng mga POGO sa mga paglabag na hindi lang basta simpleng krimen.  

“What is happening is there is an increase in the monitored unusual incidents perpetuated by the presence of Chinese nationals, without saying yet these are a risk to national security, what we have seen are violations of simple or rather simple common crimes like the presence of high-powered firearms in their possession, high-end vehicles, high-end cars, which do not have the appropriate permits from the appropriate government agencies,” Trinidad said.

“The moment they violate, not only the POGOs at the moment, if any establishment violates the rules and regulations of the land, there will be appropriate sanctions that the government may impose upon them. The moment we get there, there will be appropriate announcements to be made. What we have seen right now, and this is factual, there have been personnel arrested connected with the POGOs with high powered firearms—Valle Verde, in Multinational Village—they have in their possession high-end vehicles which have not been registered, so these are violations of common law, probably the revised penal code,” dagdag ng opisyal. 

Hinikayat ng militar ang publiko na isumbong ang mga kaduda-dudang indibidwal at aktibidad.

“We are very grateful to the general public for these reports that are being given to us because the AFP cannot do it alone. So, pagka-meron po kayong mga reports, we act on it accordingly, determine the veracity of the report and coordinate with all the necessary agencies for appropriate actions,” sabi ni Padilla.

HEPE NG PULIS SA PAMPANGA, SINIBAK SA PUWESTO 

Samantala, sinibak na sa puwesto ngayong martes ang hepe ng probinsya ng Pampanga na si Police Col. Levi Hope Basilio habang nagpapatuloy ang imbestigasyon sa Lucky South 99.

"Nauna na po nating ni-relieve yung chief of police po ng Porac Municipal Police Station para mabura po ang anumang isipin ng mga kababayan po natin na magkakaroon po ng pagtatakip sa ginagawa nating imbestigasyon," ani Fajardo.

Iniimbestigahan ang mga opisyal ng pulis para sa posibleng kapabayaan sa tungkulin.

"Bakit po hindi nila kaagad na-detect itong presence po ng sinasabing 'scam farm' doon sa [Area of Responsibility] po ng Porac... the provincial director naman, titignan kung nagkaroon ng failure of supervision,” dagdag niya.

BASAHIN: Umano'y torture victims idinetalye ang sinapit sa Porac POGO hub

Pansamantalang tatayo bilang hepe ng Pampanga police si Police LtCol. Maylanie Castillo na kasalukuyang  deputy provincial director for administration ng Pampanga Pampanga Provincial Police Office.

IBA PANG ULAT: