NORTHERN SAMAR —  Ipatutupad simula Lunes, Abril 22, ang blended learning modality sa University of Eastern Philippines sa bayan ng Catarman, Northern Samar bunsod ng matinding init ng panahon.

Ito ang nakasaad sa utos ng university president matapos ilang araw nang makaranas ang bayan ng mataas na heat index.

Base sa kautusan, modular at online classes ang ipatutupad sa undergraduate studies, law at graduate school, elementary, high school at external campuses ng unibersidad.

Ipatutupad ang blended learning hanggang Abril 28.

Ayon sa state weather bureau na PAGASA, 44 degrees Celsius ang pinakahuling heat index na naitala sa Catarman noong Biyernes at posibleng kaparehong temperature rin ang maitala sa darating na linggo.

ALAMIN: Tips para labanan ang init

Maituturing nang nasa danger category ang naturang temperatura, ayon sa PAGASA.

Payo ng PAGASA sa publiko ay laging magdala ng mga panangga sa init at uminom ng maraming tubig para maiwasan ang heat stroke at heat exhaustion.

BASAHIN: Ilang paaralan kani-kanilang diskarte para labanan ang tag-init

— Ulat ni Ranulfo Docdocan

RELATED VIDEO