7 patay sa Nueva Vizcaya dahil sa bagyong Pepito. Photo courtesy of PDRRM Nueva Vizcaya

MAYNILA -- Pito ang patay sa barangay Labang sa bayan ng Ambaguio, Nueva Vizcaya matapos ang paghagupit ng bagyong Pepito, ayon sa mga awtoridad.

Ayon sa disaster office ng probinsya, natabunan ang bahay ng magkakamag-anak na nasa gilid ng bundok ang bahay, at nakisilong ang iba pa nang tumama ang bagyo. 

Tatlo ang na-rescue pero pitong bangkay ang narekober. 

Philippines cleans up after sixth major storm in weeks

Umabot sa 4,297 na indibidwal o 1,198 na pamilya ang nag-evacuate nang manalasa ang bagyong Pepito, na umabot sa lakas ng super typhoon nang tumama ito sa bansa.

Ayon kay Gov. Jose Gambito, Biyernes pa lamang ay nagbabala na sila para sa evacuation subalit nabigla umano ang lahat dahil maging mga hindi nababahang lugar ay tumaas ang antas ng tubig.

Pepito leaves damaged roads, crops in Quirino

Nakapagtala ng mga nagibang dike, natumbang poste, namatay na mga alagang hayop at hindi pa mabilang ang mga bahay na nagiba at nilipad.

Wala ring kuryente sa lugar ayon sa Nueva Vizcaya Electric Cooperative. 

Bagama't bukas ang daan patungong Maynila, maraming natumbang mga puno at sanga ng kahoy na nakalaylay maging mga linya ng kuryente.

Pepito weakens ahead of Philippine exit; heavy rains still possible