TACLOBAN CITY — Mula alas-6 ng hapon nitong Biyernes, hanggang magtatanghali ng Sabado, nanatiling pabugso-bugso ang hangin at ulan sa Catarman, Northern Samar dulot ng Bagyong Pepito.

Kaya't may mga residenteng naging kampante at bumalik sa kanilang mga tahanan.

PANOORIN: Pagragasa ng tubig mula dagat sa Tiwi, Albay

Nanawagan si Gov. Edwin Ongchuan sa pamamagitan ng kanyang social media page sa mga residente na huwag munang bumalik sa kanilang mga bahay at manatili sa mga evacuation center para sa kanilang kaligtasan.

Babala ng Pagasa, inaasahang magdadala ng malalakas na pag-ulan at hangin ang bagyo na maaaring magdulot ng storm surge, pagbaha at landslide sa mga apektadong lugar.

Lumakas at naging ganap na super typhoon ang bagyong Pepito Sabado ng umaga.

BASAHIN: Evacuation isinagawa sa Can-avid, Eastern Samar dahil sa bagyong Pepito

Patuloy na nakaantabay ang mga awtoridad para magbigay ng tulong at tiyakin ang kaligtasan ng bawat isa.

Pinaalalahanan din ang publiko na manatiling nakatutok sa mga opisyal na anunsyo ng PAGASA at lokal na pamahalaan.