CAMARINES SUR — Makulimlim ang langit at tumila na ang ulan ngunit abot-leeg pa rin ang baha sa ilang barangay sa bayan ng Bula, Camarines bandang umaga ng Sabado, Oktubre 26.

‘Kristine’ exits PAR; another tropical cyclone looms

Lubog pa sa baha hanggang ngayon ang Barangay Bagumbayan, Barangay Sagrada, Barangay San Roque Poblacion, Barangay Salvacion, Barangay San Jose, Barangay Fabrica at Barangay Causip ng nasabing bayan.

Camarines Sur hardest hit by widespread flooding in Bicol: disaster official

Dahil sa lalim ng tubig, hindi pa rin mapasok ng kahit anong sasakyan ang mga naturang lugar. Kaya naman ang mga residenteng walang ikalawang palapag ang bahay, walang magawa kundi mananatili sa kani-kanilang bubungan.

Ayon kay Jayson Dela Cruz Solis, residente ng Barangay San Roque Poblacion, gutom at uhaw na ang mga residente sa kanilang barangay dahil wala pa silang natatanggap na tulong mula sa gobyerno at pribadong sektor.

Inaasahan naman ang pagbisita ni Pangulong Ferdinand Marcos, Jr. sa Bula, Camarines Sur para sa site inspection ng apektadong lugar bago pumunta sa Naga City ngayong araw.

RELATED VIDEO