HONG KONG SAR -- Mas pinadali na ang pagpapabakuna ng COVID-19 vax sa Hong Kong para sa mga edad 70 pataas dahil hindi na nila kailangang magpa-online booking. Nagsimula ang walk-in COVID-19 vaccination program para sa nasabing age bracket noong ika-29 ng Hulyo 2021. Kailangan lamang kumuha ng elderly same-day ticket na makukuha sa dalawampu’t apat na Community Vaccination Centres o CVC na nakapuwesto sa 18 distrito sa buong siyudad, ayon na rin sa anunsiyo ng gobyerno ng HK SAR.

Tatanggap ang mga CVC ng mga elderly na kukuha ng same-day ticket sa ilalim ng first-come, first-served basis kung saan magdi-distribute sila ng ticket on a daily basis. Kailangan lamang ipresenta ng elderly ang kanyang Hong Kong identity card o HKID. Ang HKID ay ang national ID na ginagamit sa siyudad simula pa noong 2003.

Ayon pa sa HK government, ang bawat elderly ay maaaring samahan ng dalawang carer na maaari na ring makatanggap ng bakuna sa parehong araw ng schedule ng kanilang sasamahang elderly.

At kung hindi available ang elderly para kumuha ng kanyang ticket, puwede ring i-authorize ang carer o family members, kailangan lamang ipakita ang HKID ng authorizer.

Ang same-day tickets para sa mga elderly ay non-transferrable at kapag naiwala, kailangan uling kumuha mula sa CVC.

Samantala, patuloy ang free COVID-19 vaccination program ng HK sa lahat ng residente. Sa mga interesadong Pilipino na may edad 12 pataas, magparehistro na sa online booking.

Puwedeng mamili ang registrant sa dalawang klase ng COVID-19 vaccine:

Sinovac - para sa edad 18 pataas lamang

BioNTech/Fosun [Comirnaty] - edad 12 pataas lamang