Geline Salac

'He must be saved!' Kapatid ng Israeli hostage nanawagan sa kanyang paglaya

Article (news)

Agence France-Presse

Nanawagan ang kapatid ng Israeli hostage na si Evyatar David na magsama-sama ang mundo sa pagsagip kay Evyatar matapos lumabas ang isang video kung saan ipinakita ang payat na bihag na umano’y naghuhukay ng kanyang libingan.Si Evyatar, 24, ay isa sa 251 kataong binihag ng Hamas at ng mga kaalyado nito sa kanilang pag-atake noong Oktubre 7, 2023 sa katimugang Israel, na nag-trigger ng digmaan sa Gaza.Noong nakaraang linggo, ang Hamas ay naglabas ng mga propaganda video na nagpapakita sa kanya na labis na kulang sa nutrisyon at halatang nanghina.Isa sa mga video ay nagpapakitang naghuhukay siya umano ng sariling libingan.&quot;Dapat magsama-sama ang mundo ngayon... at hingin ang kanyang pagpapalaya. Dapat siyang maligtas!&quot; sinabi ng kanyang kapatid na si Ilay David sa isang panayam noong Martes sa AFP.Dinukot si Evyatar David kasama ang kanyang kababata na si Guy Gilboa-Dalal mula sa Nova music festival malapit sa Gaza border, kung saan mahigit 370 katao ang napatay at 44 ang na-hostage.Ang dalawang magkaibigan ay itinago ng higit sa walong buwan sa mga tunnel ng Hamas kasama si Tal Shoham, isang lalaking dinukot mula sa isang kibbutz at pinalaya noong Pebrero pagkatapos ng higit sa 500 araw sa pagkabihag.

Nanawagan ang kapatid ng Israeli hostage na si Evyatar David na magsama-sama ang mundo sa pagsagip kay Evyatar matapos lumabas ang isang video kung saan ipinakita ang payat na bihag na umano’y naghuhukay ng kanyang libingan.

Nanawagan ang kapatid ng Israeli hostage na si Evyatar David na magsama-sama ang mundo sa pagsagip kay Evyatar matapos lumabas ang isang video kung saan ipinakita ang payat na bihag na umano’y naghuhukay ng kanyang libingan.