MAYNILA—Tutok ang atensiyon ng mundo ngayon sa pagsisimula ng papal conclave na pipili sa magiging kapalit ng namayapang si Pope Francis. 

Nagsimula ang mahalagang tradisyon na ito noong 1200s sa siyudad ng Viterbo sa Italya nang ipatawag ang 24 kardinal nang pumanaw si Pope Clement IV. 

Isang pambihirang katangian ng conclave ang pagkukulong ng mga cardinal at ang kawalan nila ng pakikipag-ugnayan sa sino man sa labas hanggang may maipakilalang bagong Santo Papa. 

Sa pamamagitan lamang kasi nito naresolba at nakapagdesisyon ang mga kardinal sa magtatatlong taon nang pagpili ng Santo Papa mula 1268 hanggang 1271. 

Nang sa wakas ay mahalal si Cardinal Teobaldo Bisconti bilang Pope Gregory X, minandato na niya ang pagdaraos ng conclave sa pagpili ng magiging Santo Papa. 

 – Ulat ni Zen Hernandez, Patrol ng Pilipino

Video produced with Winkie Bernaldez 

History beckons as cardinals gather to elect new pope

Doves, bribes, deaths: Papal elections over time

Mga Katoliko dapat suriin ang tugon nila sa magiging resulta ng conclave: pari

PANOORIN: