MAYNILA– Idineklarang “Sede vacante” o “the seat being vacant” ang papacy sa pagpanaw ni Pope Francis noong Abril 21. Hudyat din ito ng panahon na kinakailangang pumili ng susunod na Santo Papa.

Nagtitipon ang College of Cardinals sa Sistine Chapel sa tinatawag na papal conclave para pagbotohan ang susunod na lider ng Simbahang Katolika.

Closed-door ang pagtitipon at bagaman mayroong 252 na mga cardinal sa buong mundo, ang mga nasa edad pababa 80 lamang ang kabilang sa pagboto.

Dapat ganapin ang unang araw ng papal conclave sa loob ng 15 hanggang 21 araw mula nang mamatay ang Santo Papa. Walang itinakdang bilang ng araw para matapos ang Conclave.

Two-thirds na boto ang kailangan makuha ng isang ‘papabile’ o napipisil na maging Santo Papa.

Kapag may napili na ang College of Cardinals, tatanungin siya kung tatanggapin niya ba ang posisyon.

Pagkatapos i-aanunsyo na may bagong Santo Papa ang siya namang unang pagharap niya sa publiko para magbigay ng kanyang unang Apostolic blessing.

– Ulat ni Job Manahan, Patrol ng Pilipino

Video produced with Chim Cantos