MAYNILA — Inanunsiyo ng Metropolitan Manila Development Authority (MMDA) ngayong Linggo na isasara nila ang ilang kalsada dahil sa gaganaping National Rally for Peace ng Iglesia Ni Cristo (INC) sa Quirino Grandstand sa Lunes, Enero 13.

Magsisimula ang road closure simula alas-4 ng madaling-araw sa Lunes, ani Gabito.

Narito ang mga isasarang kalsada:

- Katigbak Drive at South Drive 

- Roxas Boulevard mula UN Avenue papuntang P. Burgos

- TM Kalaw

- Bonifacio Drive mula P. Burgos papuntang Anda Circle 

- P. Burgos mula Roxas boulevard papuntang Taft 

- Maria Orosa Street

Sabi ni Katrina Gabito ng MMDA Metrobase sa panayam sa TeleRadyo Serbisyo, magkakaroon ng mga rerouting dahil sa pagsasara ng mga kalsada.

Magpapakalat rin aniya sila ng enforcers para gabayan ang mga motorista sa mga rerouting areas na puwede nilang madaanan.

Nauna nang sinabi ng INC na suportado nila ang opinyon ni Pangulong Ferdinand Marcos Jr. na hindi siya sang-ayon sa impeachment laban kay Vice President Sara Duterte.

3 impeachment complaints vs Sara Duterte beripikado na

Nasa 3 milyon ang posibleng dadalo sa pagtitipon at inaasahang matatapos ng alas-6 ng gabi.

KAUGNAY NA ULAT: