Nelson Morales

Driver ng motorsiklo na natagalan tumabi sa firetruck na reresponde sa sunog pinatawag ng LTO

Article (news)

Romeo Subaldo

ABS-CBN News

Viral sa social media ang video na in-upload ng Bacolod City Fire Station kung saan makikitang humarang sa gitna ng kalsada sa Araneta Street, Bacolod City ang isang motorcycle rider at hindi agad nagbigay-daan sa fire truck na reresponde sana sa sunog sa Barangay Alijis noong Huwebes, dahilan upang maantala ang pagresponde ng mga bumbero. Walang tigil sa pagbusina ang firetruck pero hindi pa rin tumabi ang motorsiklo. Napasigaw na rin ang driver nito ngunit hindi pa rin gumilid ang rider. Natagalan pa bago ito tuluyang tumabi. Nitong Martes, nakilala na ng Land Transportation Office (LTO) ang may-ari ng motorsiklo pati na rin ang lalaking nagmamaneho ng motorsiklo. Binigyan sila ng LTO-Negros Island Region ng limang araw para magpakita sa ahensya. Hiningan rin sila ng paliwanag hinggil sa nangyari. Ayon sa LTO, wala umanong lisensya ang driver ng motorsiklo na isang call center agent. Paliwanag pa ng ahensiya, nasa batas na kapag may emergency vehicle na kasabay sa kalsada ay dapat itong bigyang-daan ng mga motorista. Ang hindi pagsunod sa batas ay maituturing na reckless driving.   Ayon sa LTO, bukod sa reckless driving, mahaharap pa sa ibang kaso ang driver ng motorsiklo.

Viral sa social media ang video na in-upload ng Bacolod City Fire Station kung saan makikitang humarang sa gitna ng kalsada sa Araneta Street, Bacolod City ang isang motorcycle rider at hindi agad nagbigay-daan sa fire truck na reresponde sana sa sunog.

Viral sa social media ang video na in-upload ng Bacolod City Fire Station kung saan makikitang humarang sa gitna ng kalsada sa Araneta Street, Bacolod City ang isang motorcycle rider at hindi agad nagbigay-daan sa fire truck na reresponde sana sa sunog.