COTABATO - Nangunguna pa rin si reelectionist Cotabato Governor Emmylou Taliño-Mendoza kumpara sa mga kalaban niyang si dating Agriculture Secretary Manny Piñol at Manuel Adajar.

Base sa partial unofficial result ng comelec server as of 9:54 p.m., lamang ng 136,229 na boto si Mendoza kay Piñol.

Hindi pa man natatapos ang bilangan sa probinsya, dahil kasalukuyang naka recess ang provincial board of canvassers at nakatakda pang mag resume mamayang ala 1:00 ng hapon, kinuwestyon na ni Piñol ang resulta ng botohan sa Kidapawan City.

Base kasi sa Partial Unofficial Result mula sa Comelec media server as of 11:44 p.m., makikitang sobra ng 394 ang bumoto sa nasabing lungsod.

Balak ngayon ng kampo ni Piñol na maghain ng petition para sa manual recount.

Samantala, nagpasalamat na si Mendoza sa lahat ng mga bumuto at patuloy na nagtitiwala sa kanya at anak na si 3rd District congressional reelctionist Samantha Santos.

As of 11 p.m., 962 polling precincts na ang na-canvass o 89.66 porsiyento, at 111 na lang ang hinihintay mula sa mga bayan ng Carmen at Magpet o 10.34 percent.