Arestado ang dalawang magkaibigan sa magkahiwalay na buy-bust operation sa Dasmarinas, Cavite.

Ayon kay Police Captain Polly Padios ng Dasmariñas Police, nagkasa sila ng operasyon sa Bgy. San Agustin 2, kung saang target nila dito si Alyas "Toyo".

Gamit ang P50,000 boodle money ay nakipagtransaksyon ang kanilang poseur buyer sa suspek. 

Pulis arestado sa pagbebenta umano ng droga sa Pasay
Nang magpositibo ang transaksyon ay nakumpiska nila mula sa kanya ang nasa mahigit P1 milyong halaga ng hinihinalang shabu.

 "Nagbebenta ng shabu ang suspect hindi lang sa Dasmarinas, kundi sa GMA at ibang lugar sa Cavite," sabi ni Padios.

Samantala, Sa kabilang barangay naman sa Bgy. Burol Main, kalaboso ang isa pang drug suspect sa hiwalay na buy bust operation.

 Narecover naman sa kanya ang 95 gramo ng hinihinalang shabu na nagkakahalaga ng P646,000. 

High-value drug suspect arestado sa Taguig City

Aminado ang dalawang suspek na gumagamit sila ng ilegal na droga ngunit itinanggi nila na nagbebenta sila.

 Nakakulong na sa Dasmariñas City Police Custodial Facility ang mga suspek na nahaharap sa reklamong paglabag sa Comprehensive Dangerous Drugs Act.