Kalunos-lunos ang sinapit ng isang aso mula sa Barangay Lias, Marilao, Bulacan matapos siyang hampasin ng sanga ng kahoy, kaladkarin, at sunugin ng isang lalaki.

Makikita sa video na ibinahagi ni Bayan Patroller Avelina Reyes ang paghataw ng lalaki sa asong nagngangalang “Bruz” nitong Biyernes. 

Agad namang nagsampa ng reklamo ang may-ari ng aso kasama si Reyes na tumayong eye witness. Bagama't kalauna'y umatras ang may-ari sa pagsampa ng kaso, nailapit ni bayan patroller ang kaso sa Humane Philippines, isang organisyong nangangalaga sa kapakanan at kaligtasan ng hayop.

Ang Humane Philippines na ang nagsilbing complainant sa kaso laban sa 'di pa pinapangalanang suspek.

Ayon kay Tirzah Lim, presidente ng Human Philippines, tumawag siya sa Marilao Police Station kinagabihan ng insidente para i-report ang kaso. Naisumite na rin ni Lim ang mga affidavit sa Provincial Prosecutor’s Office. 

“Animal cruelty is against the law. Kung hindi po sila gustong pakainin, alagaan, o ampunin, that’s fine. ‘Wag mo lang silang sasaktan kasi they also deserve respect as God’s creation,” paalaala ni Lim sa mga taong nang-aabuso sa mga hayop.

Help neglected animals heal and feel loved through PAWS' Project CALM

Sa tala ng Marilao police, 2018 nang unang makulong ang suspek dahil sa paglabag sa Comprehensive Dangerous Drugs Act of 2002 at nakalaya siya noong 2021.

Sabi ni PEMS. Noli Albis, mas mahigpit na ngayon ang batas ukol sa pananakit sa mga hayop.

“Huwag silang mang-aabuso ng mga alagang hayop kasi mahigpit ang batas diyan, may kalalagyan sila lalo ngayon madali na maka-report sa PNP ang mga residente,” sabi ni Albis.

Nakakulong Aniya ang suspek sa Marilao Police Station.