Umabot na sa 74,000 indibidwal o halos 15,000 ang apektado ng phreatic eruption ng Bulkang Bulusan bandang alas-singko Lunes ng madaling araw. 

Ayon sa Philippine Information Agency, pinakamarami ang apektadong pamilya sa bayan ng Irosin at Juban. 

Nabalot din ng makapal na abo ang ilang barangay sa Sorsogon. Tumagal ang pagsabog ng 24 na minuto, at umabot sa 4,500 metro ang taas ng ash plume. 

Ayon sa MDRRMO Irosin, pansamantalang isinara ang mga resort sa ilang barangay sa Casiguran para masiguro ang kaligtasan ng publiko. 

Patuloy naman ang pamamahagi ng mga face mask sa mga residente. Itinaas na rin ng Phivolcs sa alert level 1 ang bulkan, at ipinagbawal na ang pagpasok sa 4-kilometer permanent danger zone. TV Patrol, Lunes, 28 Abril 2025