MAYNILA -- Nananawagan ang San Jose Del Monte Police sa suspek sa pamamaril sa dalawang criminology student sa isang milk tea shop sa San Jose Del Monte, Bulacan, noong April 21, 2025, na mag-voluntary surrender na at harapin ang kinasasangkutang krimen. 

Pormal nang nasampahan ng kasong two counts of murder ang suspek. 

2 Criminology students patay sa pamamaril sa SJDM, Bulacan 

Ayon sa San Jose Del Monte Police, dawit din sa kaso ang asawa at anak ng suspek na kasama niya sa lugar kung saan naganap ang pamamaril. 

Nagpapatuloy ang manhunt operation ng pulisya para tuluyan nang maaresto ang mga responsable sa krimen. 

Una nang sinabi ng PNP na tukoy na nila ang pagkakakilanlan ng suspek. 

Criminology grad patay matapos kuyugin dahil napagkamalang magnanakaw

Nagpapaalala naman ang PNP sa publiko na maging mahinahon sa anumang pagkakataon at huwag pairalin ang init ng ulo na siya anilang makapaguudyok sa paggawa ng maling bagay na habang buhay pagsisisihan at pagdudusahan.