MANILA — Patay ang isang retired teacher matapos masagasaan ng truck habang tumatawid ng kalsada para bumili ng pagkain para sa ga-graduate na apo sa Pototan, Iloilo nitong Martes. 

Ayon sa pulisya, iniwan ng 66-anyos na biktima ang kaniyang apo sa parlor para makapaghanda ang bata sa elementary graduation at makabili ang lola ng pagkain sa isang fast food restaurant.

Patawid na sa pedestrian lane ng F. Parcon Street ang matanda nang masagasaan siya ng truck.

Ayon sa driver ng truck, hindi niya nakita ang tumatawid na biktima at huminto lamang siya nang marinig ang sigawan ng mga tao sa paligid.

Nagtamo ang biktima ng sugat sa iba’t ibang bahagi ng katawan at na-fracture ang mga binti. 

Agad na dinala sa ospital ang biktima pero idineklarang dead on arrival.

Nasa kustodiya ng pulisya ang truck driver.

Drive safely this Holy Week, DOH reminds motorists
Less talk, take breaks: Safety tips for long drives this Holy Week