Maririnig na umiiyak at nagmamakaawang ginang para pababain na sila ng bus. Napatayo na rin ang iba pang pasahero at galit na pinapatigil ang bus. Galing ng Vigan, Ilocos Sur ang bus at papuntang Carmen, Pangasinan na may higit 30 sakay. 

Dahil dito, agad sinuspinde ng LTFRB Region-1 ang bus operator. Isasailalim din sa mandatory drug testing ang driver at konduktor ng bus. 

Pumalag naman ang driver ng bus at sinabing mabagal lamang ang kanyang takbo. Giit ng driver na si Louie Burgos, ang bus sa kanilang harapan ang nanggitgit at umiwas lang siya. 

Ayon naman sa LTFRB Region-1 office, masusi nilang iimbestigahan ang insidente, at aalamin kung nalagay sa panganib ang buhay ng mga pasahero. TV Patrol, Lunes, 14 Abril 2025