MAYNILA — Natagpuan ang mga putol-putol na bahagi ng katawan ng isang hindi pa nakikilalang tao sa Marilaque Highway sa bahagi ng Barangay Laurel, Santa Maria, Laguna nitong Martes.

Ayon sa ulat ng Santa Maria police, bandang 12:30 ng tanghali nang i-report ng isang miyembro ng crime watch force ang insidente.

Sinasabing isang rider ang unang nakadiskubre sa putol na paa ng tao na itinapon sa gilid ng highway matapos na malanghap  nito ang masangsang na amoy sa lugar.

Nag rumesponde ang mga pulis, natagpuan ang isa pang bahagi ng katawan na pinaghihinalaang binti, nasa 100 metro ang layo mula sa natagpuang paa.

Nakabalot ito sa isang plastic ng basura at naaagnas na.

Patuloy pa ang isinasagawang paghahanap sa lugar para sa iba pang posibleng nawawalang bahagi.

Isinailalim na rin sa pagsusuri ng  Scene of the Crime Operatives (SOCO) ang mga natagpuang bahagi habang patuloy din ang imbestigasyon para matukoy ang pagkakakilanlan ng biktima. 

IBA PANG BALITA: 

Slain comedian Gold Dagal received threats over dark humor, says mom
9 hinihinalang miyembro ng criminal gang, arestado sa Laguna