BULACAN — Sinunog ng NBI-Central Luzon Regional Office ang mga nasabat na karne sa isang destruction plant sa San Ildefonso, Bulacan nitong Biyernes.

Ayon kay NBI-CELRO Director Isaac Carpeso Jr., aabot sa 37 tonelada — o nasa P600 milyon na halaga — ng mga nabubulok na mga karne ng baboy, manok, at baka ang kinailangan nilang i-dispose. 

Nakumpiska nila ang mga produkto nitong Martes sa isang cold storage facility sa Meycauyan, Bulacan. 

P600-M halaga ng expired na karne na binebenta pa sa merkado, nasabat ng NBI

Napag-alaman ng NBI na nagre-reprocess, nagre-repackage, at nagre-relabel ng mga lipas na karne ang kumpanya bago ibenta sa malalaking pamilihan.

Sinabi ni Carpeso na hindi na dapat makalabas ang mga ito sa merkado dahil delikado na siyang kainin ng publiko.

 Nauna nang itinanggi ng abogado ng kumpanya ang alegasyon pero sinabing sasagutin nila ang reklamo sa tamang panahon.

 Nagpaalala naman ang NBI sa publiko na siguruhing sariwa ang mga bibilhing produkto para makaiwas sa sakit.

KAUGNAY NA VIDEO