Patay ang isang 51-anyos na lalaking rider matapos pagbabarilin ng hindi pa nakikilalang salarin sa Barangay Salitran 3, Dasmariñas, Cavite Biyernes ng tanghali.

Ayon sa paunang ulat mula sa Dasmariñas Police, nakasakay sa motorsiklo ang biktima at binabaybay ang Salitran Road papunta sa direksyon ng Jose Abad Santos, nang pagbabarilin ng hindi pa nakikilalang gunman.

Dead on the spot ang biktima matapos magtamo ng mga tama ng bala sa ulo at katawan.

Iniimbestigahan na ng pulisya ang posibleng motibo sa pamamaril, habang patuloy pa ring  tinutugis ang suspek.