Inaresto ng pulisya ang manugang ng isang 84-anyos na ginang matapos umano siyang sunugin nito sa Carcar City, Cebu nitong Linggo.

Nangyari ang insidente sa kanilang bahay sa Sitio Cambuntan, Barangay Bolinawan.

Nakuhanan ng 11-taong-gulang na anak ng suspek ng cellphone video ang insidente.

Batay sa imbestigasyon ng pulisya, may galit umano ang 55-anyos na suspek sa kaniyang biyenan.

“Dahil tinatakpan niya (biktima) kung nasaan ang kaniyang anak na asawa ng suspek,” ani PSSgt. Japhet Saavedra, imbestigador ng Carcar City police.

May alitan aniya ang mag-asawa na humantong sa pisikalan kaya umalis ang asawang babae sa kanilang bahay.

Tinanong ng suspek ang biktima kung nasaan ang ginang. Pero nang hindi sinabi ng biktima kung nasaan ito, kumuha ang suspek ng dalawang tumbler na may laman na gasolina saka ibinuhos ito sa biktima at sinindihan.

Dinig na dinig sa video ang pag-iyak ng batang nakakita sa insidente.

Tumangkang tumakas sa pinangyarihan ang suspek pero kaagad itong nahuli ng mga kapitbahay at ibinigay sa mga pulis nang pinaghahanap na siya.

Kaagad naman nailigtas ang biktima na isinugod sa pinakalamalapit na ospital sa lungsod.

Nagtamo ito ng maraming paso kaya kinailangan iliipat sa Vicente Sotto Memorial Medical Center sa Cebu city. Nagpapagaling 

Inihahanda na ang kasong frustrated murder laban sa suspek.

IBA PANG BALITA:

Manhunt ng BI vs dayuhang POGO workers pinaigting; PAOCC at PNP tutulong na rin sa paghahanap
Bangkay ng babae natagpuang sunog at putol-putol sa Bacoor, Cavite