Lyza Aquino

ABS-CBN News

Patay ang isang lalaki matapos umanong saksakin ng kanyang kapitbahay sa Bacoor, Cavite noong Linggo.   Kinilala ng mga kaanak ang biktima na si Josh Ybañez, 25-anyos at residente ng Barangay San Nicolas 3 Extension.   Ayon kay Bacoor police chief PLtCol. John Paolo Carracedo, nagkaroon ng pagtatalo ang biktima at ang 63-anyos na suspek dahil sa paggamit ng basketball court sa lugar.   Nakakandado ang net ng basketball na gagamitin sana ng biktima. Sinubukan niyang buksan ito gamit ang susi mula sa suspek, pero hindi ito gumana.   &quot;So ang ginawa ng suspek hinataw niya ng dos por dos [yung biktima], eh lumaban victim natin so di siya napuruhan. Ang ginawa ng suspek natin umuwi, kumuha ng kutsilyo, sinaksak victim natin,” sabi ni Carracedo.   Sinubukan pang isugod sa ospital ang biktima pero binawian rin siya ng buhay dahil sa tinamong saksak sa dibdib.   Kalaunan naman ay sumuko din sa awtoridad ang suspek.   &quot;Yung suspek natin is sumuko sa barangay at dinala po sa police station natin para ma-file-an ng kaso,” sabi ni Carracedo.   Nakuha sa suspek ang patalim na ginamit umano niya sa krimen.   Depensa ng suspek, kadalasan talaga nilang pinapadlock ang basketball net dahil nagiging abala ang ingay nito sa mga katabing bahay. Pero tuwing Sabado at Linggo ay binubuksan niya ito para magamit ng iba.   &quot;Marami po sila magkakaibigan na maglalaro sila. So sabi ko sige... Doon sa pagkakakabit ng susi dalawang beses sila umakyat at hindi nila matanggal so para ayun sabi ko nga, &#x27;Akin na nga yung susi&#x27; huwag na kayo maglaro,&#x27;&quot; sabi ng suspek. &quot;Doon na ako binully-bully sa pagkatanda. Nakakuha po ako ng gatong na mahaba pinalo ko siya dito, tapos nakapagbuno kami nasugat yung tenga ko kasi napunta ako sa area na may pako,&quot; dagdag niya.   Ayon sa suspek, dumaan muna siya sa pagamutan para malapatan ng paunang lunas, bago siya bumalik sa bahay para kumuha ng patalim.   &quot;Nakita ko kasi yung biktima na parang okay lang sa kanya yung nangyari, sabi ko parang hindi yata maganda baka pagtanda ko eh lalo nya pa ako tiris tirisin pa. Kumuha ako ng patalim sa bahay,&quot; sabi ng suspek.   &quot;Ako sinasabi ko naman sa lola nya nay pasensya na po talaga hindi ko naman po kagusutuhan iyon naano lang talaga ako sa sarili ko sa ginawa ng apo nyo sa akin,&quot; dagdag niya.   Hindi naman matanggap ni Kyla Polido ang sinapit ng kanyang kinakasama lalo na&#x27;t may naulila silang panganay, at anim na buwan din siyang buntis sa pangalawa nilang anak.   “Nagulat na lang po ako tumawag kapatid niya na nasa ospital daw po asawa ko nire-revive daw po. Agad naman po akong pumunta ng ospital para matignan ano kundisyon niya, tapos di pa po ako nakakaupo ng upuan, sabi niya wala na daw po yung kuya niya,” sabi ni Polido.   “Sobrang galit na galit po talaga ako sa gumawa nito sa asawa ko,” dagdag niya.   Mahaharap sa reklamong murder ang suspek.

Patay ang isang lalaki matapos saksakin umano ng kanyang kapitbahay sa Barangay San Nicolas 3 Extension, Bacoor, Cavite.

Patay ang isang lalaki matapos saksakin umano ng kanyang kapitbahay sa Barangay San Nicolas 3 Extension, Bacoor, Cavite.

Away sa paggamit ng basketball court, nauwi sa pananaksak; lalaki patay | ABS-CBN

Entertainment

News

Metro.Style

Sports

More

Regions

Away sa paggamit ng basketball court, nauwi sa pananaksak; lalaki patay

Away sa paggamit ng basketball court, nauwi sa pananaksak; lalaki patay

Lyza Aquino,

ABS-CBN News

Published Jan 15, 2025 10:32 AM PHT

Read More:

Bacoor

Cavite

stabbing incident

Barangay San Nicolas 3 Extension

basketball court

ABSNews

ABS-CBN is the leading media and entertainment company in the Philippines, offering quality content across TV, radio, digital, and film. Committed to public service and promoting Filipino values, ABS-CBN continues to inspire and connect audiences worldwide.

Corporate

Investors

Governance

International Distribution

Corporate

Governance

Investors

International Distribution

NPC Seal of Registration

Privacy Policy

Terms of Service

Advertise with Us

© 2025 ABS-CBN Corporation. All Rights Reserved.

NPC Seal of Registration

Advertise with Us

Privacy Policy

Terms of Service

© 2025 ABS-CBN Corporation. All Rights Reserved.